မြန်မာ့လေကြောင်းလေယာဉ်ပျက်ကျမှုမှတ်တမ်းများ

မကြာသေးခင်က Beechcraft 1900D 

အမျိုးအစားတပ်မတော်လေယာဉ်ပျက်ကျပြီးလေယာဉ်ပေါ်ပါ

အရာရှိ စစ်သည် ၅ဦးသေဆုံးသွားတဲ့သတင်း

ဝမ်းနည်းဘွယ်ဖတ်လိုက်ရပါတယ်။

ငယ်ငယ် တုန်းက STATE MEDIA ဖြစ်တဲ့ မြန်မာ့အသံ

ရေဒီယို ၊ ကြေးမုံ၊ လုပ်သား၊ ဗိုလ်တစ်ထောင်

သတင်းစာတွေ နဲ့ဘဲကြီးပြင်လာတော့

ထိန်းချုပ်အသိပေးတဲ့ သတင်းတွေမို့

သတင်းတွေက တစ်ခါတစ်ခါ ပြည်သူကြားထဲ

အပေါ်ယံသတင်းအဖြစ်သာ

သိရတာမျိုးဖြစ်နေခဲ့တာအများကြီးပါဘဲ။

လေကြောင်းကိုဘဲအဓိကအားကိုးပြီး

ရန်ကုန်ကတစ်ဆင့် ပြည်ဒေသ နဲ့

မြန်မာပြည်အနှံ့ ခက်ခဲစွာ ခရီးသွားလာရတဲ့

ရခိုင်ဒေသနေပြည်သူများအဖို့

လေယာဉ်ပျက်တယ်ဆိုတဲ့သတင်းတွေဟာ၊

အမြဲတုန်တုန်လှုပ် ကြောက်စရာသတင်းတွေပါဘဲ။

Aug 16, 1972 ကျနော် မူလတန်းကျောင်းသားဘဝ က

သတင်းဆိုးတစ်ခုဖြစ်ခဲ့တဲ့

သံတွဲလေဆိပ်အတက် ပင်လယ်ထဲ စက်ချို့ယွင်းထိုးကျကာ

အချိန်မှီသွားရောက်မကယ်ဆယ်နိုင်ခဲ့၍

ခရီးသည် ၂၈ဦး လေယာဉ်နှင့်အတူ ရေနစ်သေဆုံးခဲ့ကြကာ

ခရီးသည် ၂ဦးသာ

အိပ်ရာလိပ်ဖက်ကာရေကူးလွတ်မြောက် ခဲ့သည့်

(DAKOTA)ဒါကိုတာလို့ ခေါ်ခေါ်ကြတဲ့

DOUGLAS C47 လေယာဉ်ပျက်ကျမှုအပါအဝင်

ဒါကိုတာလေယာဉ်တွေ

ဟောင်းနွမ်းလာမှုစိတ်မချမှုတွေကြောင့်

FOKKER F27 တွေတော်တော်များများ

(အရေအတွက်အတိအကျမသိ)နဲ့

့F28 (call sign - XY-ADU, XY-ADV, XY-ADW ) သုံးစီး ကို

အသုတ်လိုက် ဝယ်ယူအစားထိုးခဲ့တာကြောင်း

နိုင်ငံခြားဝင်ငွေမည်မျှအကုန်အကျခံ၍

လုပ်သားပြည်သူများ ခရီးသွားလာရေး

အဆင်ပြေစေရန် နိုင်ငံတော်မှ ဝယ်ယူခဲ့ကြောင်း...........

အစရှိသည့် သတင်းတွေကို

လေကြောင်းအားကိုးရန်ကုန်သို့

ခရီးသွားလာနေရတဲ့ ကျနော်တို့

နိုင်ငံပိုင် သတင်းစာ ရေဒီယိုမှတစ်ဆင့်

သိမှတ်ခဲ့ရဖူးပါသည်။

နိုင်ငံတော်မှ

ဆိုတဲ့စကားနဲ့

ပြည်သူ့တွေအတွက်ဆိုတဲ့

စကားလုံးနှစ်ခုဟာ၊

ဘာကိုဆိုလိုတယ်ဆိုတာ၊

တနိုင်ငံလုံပြည်သူပိုင်လုပ်ခံထားရတဲ့

ဆိုရှယ်လစ်ခေတ်မှာကြီးပြင်းလာပြီး၊

အတန်းတစ်ချိန်လုံးလစ်

ရွေးရွေးကျက်တာ

က်ြကကန်း ဆန်အိုးတိုးလို့

ပြတဲ့ဆရာတောင် တစ်နှစ်လုံး

နှစ်ခါလောက်သာတွေ့ဘူးတဲ့....

နိုင်ငံရေးသိပ္ပံဆိုတဲ့ မသင်မနေရဘာသာမှာ

ဂုဏ်ထူးနဲ့အောင်ခဲ့ကျနော်

အမြင်တွေ အခုထိ မရှင်းသေးပါဘူး။

XY-ADW ရဲ့ စစ်တွေ လေဆိပ်နား ပျက်ကျမှုကို

အောက်ဖေါ်ပြပါ လင့်မှာ တွေ့ရပါလိမ့်မယ်။

တစ်ဖန်၊ မြောက်ဦး၊ပူတာအို ပလက်ဝတို့လို့ သွားလာမှုခက်ခဲ၊

လေယာဉ်ပြေးလမ်းရှည်နှင့် ခေတ်မှီ လေယာဉ်ထိမ်းသိမ်းရေးစံနစ်

မတတ်ဆင်နိုင်သေးသည့် မြို့ငယ်အချို့သို့ပြေးဆွဲရန်

ခရီးသည် ၈ဦးလောက်သာတင်နိုင်သည့်

Twin Otter လေယာဉ်များထပ်မံဝယ်ယူပြေးဆွဲခဲ့ရာ၊

ပျက်ကျမှုများဖြစ်ပွားတာကြားသိခဲ့ရပြီး၊ 
ထိုဒေသများ၏ ရာသီဥတု ကြမ်းတမ်းမှုများနှင့်

မကိုက်ညီ၍ဟု ယူဆ၍ ထင်ပါသည်။

Twin Otter များရေးဆွဲမှု များမကြာလိုက်ဘဲ

ရပ်နားလိုက်တာတွေ့ရပါသည်။

Fokker F27,F28 များမှာမူ ဆိုးဝါးသည့်

ပျက်ကျမှုသတင်းမတွေ့ရသလောက်မို့

မိမိတို့လည်း Burma Airway ကနေ

Myanmar Airway ဖြစ်သည့်ကာလ၊

မဆလ က နေ နဝတ ကာလ တစ်လျောက်

ခရီးသည်များအတွက် အသက်အာမခံ

ရှိမရှိ ရှိလဲ နှစ်ပြားတစ်ပဲဘဲရှိမှာဘဲဟု

သဘောထား ကာ အသက်အာမခံ

အက်ဆီးဒန့်အာမခံ၊ ဆေးရုံးတက်ရောက်ကုသမှုအာမခံ

ဆိုတဲ့စကားလုံးတွေဟာ

မြန်မာပြည်သူတွေနဲ့ မဆိုင်

မပတ်သက်သလိုဘဲနေထိုင်ကြီးပြင်းလာယင်း

ဒီလေယာဉ်၊ ဒီခရီးတွေကို

အကြိမ်ကြိမ်သွားရောက်နေခဲ့တာပါဘဲ။
 ဧရာဝတီကမ်းနဘေး အရေးပေါ်ဆင်းခဲ့ရတဲ့လေယာဉ်စက်ချို့ယွင်းမှုမှာ
 နောက်ဆုံးဆင်းသက်ချိန်ထိ ခရီးသည်တွေရဲလုံခြုံမှုကို ဦးစားပေးနေရတာမို့
အသက်တိမ်းပါးသွားခဲ့ရတဲ့  လေယာဉ်မယ်လေးလှိုင်ကို သီးချင်းတစ်ပုဒ် ဂုဏ်ပြုသီဆိုခဲ့တဲ့
အသံအင်မတန်ကောင်း  KEY အစုံနိုင်နိုင်နင်းနင်း ဆိုနိုင်တဲ့ပြည်သူချစ်တဲ့
အဆိုတော် လေယာဉ်မောင် ဦးစိန်လွင်(ပလေးဘွိုင်းဦးသန်းနိုင်ရဲ့အစ်ကိုရင်း) ဟာလဲ
လေယာဉ်ပျက်ကျမှုတစ်ခုမှာ တာဝန်ထမ်းဆောင်ရင်း ကွယ်လွန်သွားရရှာပါတယ်။

ဒီ B3A လင့်ထဲက မြန်မာ့လေယာဉ်ပျက်ကျမှု သမိုင်းမှတ်တမ်းမှာ
ဒီပျက်ကျမှု တွေ ရှာတွေ့နိုင်ပါတယ်။

မကြာသေးမီက ဒီ အောက်ဖေါ်ပြပါ

BAAA-acro ကိုဝင်ကြည့်မိတော့

F27 case တွေလဲ မနည်းပါလားလို့

တွေ့မြင်ရပါတယ်။

ကုန်းလမ်းခရီးအဓိက အမှီပြုသွားလာနေကြတဲ့

ဒေသတွေက ပြည်သူ အများစုက တော့

လေယာဉ်ခရီးစဉ်ဆိုတာနိုင်ငံခြားခရီးအတွက်သက်သက်ဟု

ထင်ကောင်းယူဆကောင်းယူဆနိုင်ပေမယ့်

အခုအချိန်ထိ လေယာဉ်ကလည်းနှောင့်နှေးတတ်၊

လေဆိပ်ကိုသွားရတဲ့ တက္ကစီခကအတူတူ

လက်မှတ် ဈေးကကျတော့လည်း စစ်တွေရန်ကုန်

တစ်နာရီသာသာ စီးရပေမယ့်၊

သုံးနာရီလောက်စီးရတဲ့ ရန်ကုန် စင်ကာပူ

လေကြောင်းခရီးလောက်နဲ့ အတူတူနီးနီး ပေးနေရတဲ့

ရခိုင်ပြည်မြောက်ပိုင်းနေပြည်သူတွေအတွက်က တော့

ခရီးသည်တွေရဲ့ အခွင့်အရေး၊အာမခံစံနစ်၊ လုံခြုံမှုမလုံခြုံမှုဆိုတာ

ခေါင်းထဲ မထည့်ဘဲ မိမိနှင့်မဆိုင်သည့်အရာအလား

သူတစ်ပါးအား ဝကွက်အပ်၍

နေ့စဉ်လေယာဉ်ခရီးစဉ်ရှိနေတာနဲ့၊

လေယာဉ်လက်မှတ် ဝယ်ယူ၍ ရနေသည်ကိုပင်

သက်ဆိုင်ရာ တာဝန်ရှိပုဂ္ဂိုလ်များအား

ကျေးဇူးရှင်များကဲ့သို့ မေတ္တာပို့အမျှဝေ

ဆက်လက်မှတ်ယူနေကြရမည်ပင်ဖြစ်ပေသည်။

http://www.baaa-acro.com/2016/archives/crash-of-a-beechcraft-1900d-in-naypyidaw-5-killed/

http://www.baaa-acro.com/2009/archives/crash-of-a-fokker-f28-in-sittwe/

http://www.baaa-acro.com/1978/archives/crash-of-a-fokker-f27-in-rangoon-48-killed/

http://www.baaa-acro.com/1972/archives/crash-of-a-douglas-c-47-in-sandoway-28-killed/

http://www.baaa-acro.com/advanced-search-result/?type=crash&display=entry&year_post=0&continent=0&country=209487&zone=0&pavillon=0&aircraft=0&operator=0&cause=0&et_searchform_submit=et_search_proccess