" ဂုဏ်ယူပါတယ် ဝေါင်ယီလင်း "

ကျနော် 28th Seagame မတိုင်ခင် တစ်ပါတ်လောက်က
Insurance ပေါ်လစီ တစ်ချို့ဝယ်တော့၊
Insurance Agent နှစ်ယောက်စလုံးဟာ
ကျနော့်သမီးထက် တစ်နှစ် နှစ်နှစ် လောက်ပဲ ကြီးကြတဲ့အရွယ်တွေ၊
 တစ်ယောက်က သြစတေးလျက ဘွဲ့ရထားတဲ့
 မြန်မာမလေးတစ်ယောက်ဖြစ်ပြီး(သူတို့အခေါ် Life planner)
နောက်တစ်ယောက်က စကာင်္ပူ NUS က ကျောင်းပြီးထားတဲ့
ဝမ် ယီလင်း ဆိုတဲ့ စလုံး တရုပ်မလေး(သူတို့အခေါ် Executive Life planner ) တစ်ယောက်ပါ။

 သူ့ကို insurance ကိစ္စတွေပြီးတော့
အလာပသလာပ ခဏ ပြော ကြရင်း
NUS က 1st Degree နဲ့ ဘွဲ့ရထား မှန်း သိရတော့
လစဉ် ဝင်ငွေ မသေချာ
လစာလို့ ပုံသေ မရှိဘဲ
စလုံးတစ်နိုင်ငံလုံးလျောက်သွားရပြီး
အာမခံပေါ်လစီ တစ်ခုခုချုပ်ဆိုဖြစ်မှ
 ကော်မရှင် ရတဲ့
ဒီအလုပ်ကို  မင်း အသက် ငယ်ငယ်နဲ့
ဘာလို့ရွေးချယ် လုပ်နေ ရတာလဲ လို့
မေးဖြစ်ပါတယ်။

 သူက ဘယ်လို ပြန်ဖြေသလဲ ဆိုတော့
ငါ့မှာ တစ်ခြားရည်ရွယ်ချက် တစ်ခု အတွက်
ကြိုးစားချင်သေးလို့ပါတဲ့၊

ဒီအလုပ်က ဝင်ငွေ ပုံမှန်မရှိပေမယ့်
အလုပ်ချိန်က လဲ
ကိုယ်လိုသလို ကျုံ့ ဆန့်လို့ရတဲ့
အခြေအနေ ရှိတယ်လို့ ရှင်းပြပါတယ်။

သူ့ပုံစံက အရပ်မပုမရှည်
အားကစားသမား တစ်ယောက်လို
 တောင့်တောင့်တင်းတင်း ... သန့်သန့်ပြန့်ပြန့် ၊
လန်းလန်းဆန်းဆန်း .... တက်တက်ကြွကြွ၊
၂၈th အာဆီယံ ပွဲကလဲ ကျင်းပခါနီး ဆိုတော့၊

ဘာလဲ မင်းရဲ့ ရည်ရွယ်ချက်က အားကစားတစ်ခုခုလားလို့
ခန့်မှန်းမေးလိုက်တော့
ဟုတ်ပါတယ်တဲ့ သူ့မှာ နိုင်ငံကိုယ်စားပြု
Ruby ကစားသမား တစ်ယောက်ပါတဲ့၊

ကျနော်က နည်းနည်း လျှာထပ်ရှည်မိတယ်၊

ငါတို့ မင်းတို့ ခန္ဓာ ကိုယ် အနေအထားနဲ့
ဥရောပကလူ ထွားထွားကြိုင်းကြိုင်းကြီးတွေ....ကစားတဲ့
ဒီ Ruby ကစားနည်းမျိုးကို မှ
ဘာလို့ မင်းအနေနဲ့ ရွေးချယ်
ကစားချင်တာလဲလို့ မေးကြည့်တော့၊

ဒါကို သူလဲနားလည်ပါတယ်တဲ့၊
ဒီအားကစားကို ဘဲ သူစိတ်ဝင်စား ဝါသနာပါပြီး
အာရှလောက် အဆင့်မှာ
ဝင်တိုးနိုင်ရင် သူကျေနပ်ပါပြီလို့ပြောပါတယ်။

ကျနော်လဲ ဒီ ဆီးဂိမ်း မှာအောင်မြင်ပါစေကြောင်း
 စောင့်ကြည့် အားပေးနေမည်ဖြစ်ကြောင်း
ဆန္ဒပြု အားပေးစကားပြောကြားပေးလိုက်ပါသည်။

28th Seagame ရဲ့ အမျိုးသမီး Ruby ဖိုင်နယ်မှာ
Thai ကိုရှုံးပြီး သူ့ဆန္ဒ 100% မဖြစ်ခဲ့ရင်တောင်
တစ်စိတ်တစ်ဒေသတော့ ကျေနပ်နိုင်မှာဖြစ်တဲ့
  ငွေတံဆိပ်ဆုကို ရယူခဲ့ကြတာကို
Seagame official web page ကတဆင့်သိရတော့
သူ့ ဆီကို ဂုဏ်ယူကြောင်း ဒီထက်အောင်မြင်ပါစေကြောင်း
SMS ပို့ဖြစ်တော့ ကျေးဇူးတင် ဝမ်းသာကြောင်း ပြန်ပါတယ်၊
သူတို့ရဲ့ အမျိုးသားအသင်းက ရွှေတံဆိပ် ဆွတ်ခူးသွားပါတယ်။

 နိုင်ငံခြားသားတွေအတွက်တောင် အလုပ်အကိုင်အဆင့်ဆင့် မြောက်မြားစွာရှိသည့်
 နိုင်ငံမှ နိုင်ငံသားတစ်ယောက်အတွက်
အူမတောင့်နိုင်သည့် အလုပ်တစ်ခုကို
 အချိန်မရွေး ရရှိနိုင်သည်ဟု ယုံကြည်မှုထားနိုင်သဖြင့် မိမိဝါသနာပါသည့်အားကစားတစ်ခုကိုဖြင့် ငယ်ရွယ်တုန်းအောင်မြင်လုပ်လိုက်အုန်းမည်ဆိုသော ရည်မှန်းချက်တစ်ခုအတွက် ဆုံးဖြတ်ချက်ချဖို့ သူတို့အတွက်
သိပ် မခက်ခဲဟု ယူဆပါသည်။

ဘာဘဲဆိုဆို လူဦးရေ နည်းပါးသော ကျွန်းနိုင်ငံလေးက
overall မှာ ဒုတိယကျပြီး
ဆုတံဆိပ် အရေအတွက် စုစုပေါင်းမှာ
အများဆုံးရအောင်ယူနိုင်တာဟာ
ချမ်းသာလုိ့ တစ်ခုထဲနဲ့ ဆုံးဖြတ်လို့မရဘူးဆိုတာ
ဘရူးနိုင်းနဲ့ နှိင်းယှဉ် သိနိုင်ပါလိမ့်မယ်။

အခက်အခဲ အမျိုးမျိုးကြားက
28th Seagames အားကစားအမျိုးမျိုးမှာ
ဝင်ရောက်ယှဉ်ပြိုင်ကြယင်း ဆုတံဆိပ်ရယူနိုင်သူများရော
မရရှိခဲ့ကြသူ  မြန်မာအားကစားသမားများအားလုံးကိုပါ၊
ကျနော်အနေနဲ့ လေးစား မှုနဲ့အတူ
သတိရနေမှာပါ
သူတို့ရဲ့ ကြိုးစားမှုကိုလဲဘဲ
 အသိအမှတ်ပြုရမှာပါ။။

ကျနော့်အနေနဲ့ နောက်ထပ်တစ်ကြိမ်
ကိုယ်တိုင်ကိုယ်ကျ အားပေးခွင့်ရမည် မရမည်
မသိနိုင်ပါ။

 နိုင်ငံတစ်နိုင်ငံမှာ
နိုင်ငံသားအများစုဟာ
အားကစားတစ်ခုမဟုတ် တစ်ခုမှာ
ပါဝင်လှုပ်ရှားမှုရှိနေပြီ
လှုပ်ရှား နိုင်မယ့်အခြေအနေတွေ ရှိနေပြီ ဆိုရင်၊
အဲဒီနိုင်ငံရဲ့ ကျန်းမာသန်စွန်းမှုအညွှန်းလဲ
တက်နေလိမ့်မယ်လို့ယူဆပါတယ်။

နိုင်ငံသားတိုင်း ကျန်းမာသန်စွမ်းအားကောင်းနေခဲ့ရင်
ကုန်ထုတ်လုပ်မှု ကောင်းမွန် လာမှာ ဖြစ်သလို
ဆေးကုသယင်း ကုန်ဆုံးကြရမယ့်
ဘဏ္ဌာငွေကြေးတွေလဲ သက်သာမှု ရကြမှာပါ။
အာရောဂျံပရမံလာဘံ လို့ အဆိုရှိသည် မဟုတ်ပါလား။

မြန်မာနိုင်ငံသူ/သားအားလုံး
ကျန်းမာပျော်ရွှင်စွာဖြင့်
ကစား ခုန်စား အားကစား ကိုယ်စီ
လုပ်နေနိုင်တဲ့ နိုင်ငံတော်သစ် တစ်ခုကို
အမြန်လှမ်းနိုင်ကြပါစေ။