စိတ်ရွက်လွင့်ရာ-ရက္ခိတ စာမျက်နှာ(TAT၈၆Bumi)

Tuesday, April 19, 2016

သဇင် တွေ ဝေစေချင်ချိန် ယမ်းငွေ့တွေ လှိုင် နေခဲ့တဲ့ လခြမ်းမြေ



တိုက်ပွဲတွေဖြစ်တိုင်း
ကိုးကန့်၊ ကချင်၊ ရခိုင်၊ ပလောင် တွေဟာ
အဆဲအဆိုခံကြရပေမယ့်
အံ့သြစရာတစ်ခုက
 တိုင်းရင်းသားလက်နက်ကိုင်တပ်တွေထဲမှာ
အကြီးဆုံးနဲ့ ဖွဲ့စည်းပုံအခြေခံ ဥပဒေက ကိုယ်ပိုင်အုပ်ချုပ်ရေးဆိုတဲ့
အခွင့်အရေးကို လွတ်လပ်ရေးလို့ ပြောင်းမရေးယုံတမယ်
ချုပ်ထိမ်းထား ရွေးကောက်ပွဲတောင်လုပ်မရတဲ့
ဝတပ်ဖွဲ့ ဝနယ်မြေကို မသိယောင်ဆောင်နေကြပြီး၊
ထိလဲ မထိရဲကြပါဘူး။
တပ်လောဘီနဲ့
 ထောက်ခံသူတွေဟာလဲ ဝေဖန်ရေးတောင်
မလုပ်ကြပါဘူး။
ဒါဟာ ကျန်တဲ့ လက်နက်ကိုင်တော်လှန်ရေးကို
ယုံကြည်သူတွေအတွက်
Model တစ်ခုဖြစ်လာစေခဲ့ပါတယ်။

နိုင်ငံရေး အရ တောင်းဆိုမှုနဲ့
လက်နက်ကိုင်လှုပ်ရှားမှု ပဋိပက္ခတွေမှာရော
နိုင်ငံရေး အင်အားကြီးအုပ်စုနဲ့
လက်နက်ကိုင် အင်အားစုကြီးနှစ်ခုစလုံးတို့ ရဲ့ ထောက်ခံသူတွေဆီမှာ
 အဆဲအဆို အခံရဆုံးဟာ
ဒုတိယအဆင်းရဲဆုံးပြည်နယ်ဖြစ်တဲ့
ရခိုင်ပြည်နယ်က ရခိုင်လူမျိုးတွေဖြစ်နေတယ်၊

ရခိုင်နိုင်ငံရေး အင်အား စုတွေ နဲ့ လက်နက်ကိုင်အင်အားစုတွေဟာ
၂၀၀၈ ဖွဲ့စည်းပုံ ၂၀၁၀ ရွေးကောက်ပွဲ ကာလ တွေမှာ မှ
 ပေါက်ဖွါးရှင်သန် တဖန်ရှင်သန်လာကြတာပါ။
တိုင်းသားလူမျိုးတိုင်းမှာ.....

၁) ခွဲထွက်လိုစိတ်ရှိသူ၊

၂) ဖယ်ဒရယ် နဲ့ တန်းတူအရေးကို လွတ်လပ်တဲ့
 နိုင်ငံရေး အင်အားစု တည်ဆောက်၍
   နိုင်ငံရေးနည်းဖြင့် လှုပ်ရှား ဆောင်ရွက်လိုသူ၊

၃) ဖယ်ဒရယ်ပြည်ထောင်စု တစ်ခုဖြစ်လာဖို့
 ပြည်မ နိုင်ငံရေးအင်အားစုကြီးနှင့်
ပူးပေါင်းဆောင်ရွက်ပါမှ အောင်မြင်မှု တိုးတက်မှု တပြိုင်ရမည်ဟု ယုံကြည်သူ

၎) လက်နက်ကိုင်တော်လှန်ရေးဖြင့်သာ လွတ်လပ်ရေး သို့မဟုတ်
ဖယ်ဒရယ်ကို ရယူတောင်းဆို နိုင်လိမ့်မည်ဟ ယုံကြည်သူ

၅) ဘာဘဲဖြစ်ဖြစ်တက်လာတဲ့အစိုးရ ငါ့အစိုးရဟုယုံကြည်သူ

 စသည်ဖြင့် ကွဲပြားစွာ ယုံကြည်မှုရှိကြပါတယ်၊

၎) အုပ်စုက လွဲရင် ဘယ်အုပ်စုကပိုများသလဲဆိုတာ
 ဒေသ တစ်ခုချင်းစီက ၂၀၁၅ ရွေးကာက်ပွဲ ရလဒ်ကိုကြည့်ရင်
အကြမ်းဖျင်း သိနိုင်ပါလိမ့်မယ်

လက်ရှိ ရခိုင်ပြည်နယ်မှာ အမျိုးသားရေးတက်ကြွသည့်  ၂)အုပ်စုနှင့် ၄)အုပ်စု
အားကောင်းလာသည်ကို
လွန်ခဲ့သောနှစ်ပိုင်းအတွင်း သိသိသာသာ တွေ့မြင်လာရသည့်အပြင်
၂၀၁၅ ရွေးကောက်ပွဲအပြီး အုပ်စု ၂) နှင့် အုပ်စု ၃) ကို
ယုံကြည်ကြသူတို့အကြား အုပ်စုတိုက်ပွဲက
၂၀၁၂ ဘင်္ဂလီအရေးအခင်းအပြီး စုစည်းမိနေသော ရခိုင် အသိုင်းအဝိုင်းအကြား
အလွန်တရာ အက်ကြောင်းထင်စေခဲ့ကာ လူငယ်မျိုးဆက်သစ် ဒေသခံတို့ကြား
အုပ်စု(၄) သို့တွန်းပို့စေသလိုဖြစ်စေခဲ့ပါသည်။

၎င်းအပြင်
ဝတွေ တပ်အင်အားတိုးချဲ့နိုင်မှု
 စီးပွါးရေး ကို မိမိတို့ဒေသအတွင်း
မိမိတို့ဘာသာစီမံ လုပ်ဆောင်နေကြမှု
ထိုအပေါ် မြန်မာစစ်တပ်ရော၊
 မြန်မာ့နိုင်ငံရေးအင်အားစုရော
 ဘယ်သူမှ ဝိုင်းဝန်းဆဲဆို မထိပါးရဲကြမှုတွေကို၊
မြင်နေရတဲ့ ပြည်နယ်တိုင်းရင်းသားလူငယ်တွေရဲ့စိတ်ထဲ
ခံစားချက်တွေ များများလာကာ
 ပါးစပ်နဲ့စကားမပြောကြခင်
ဝ လူမျိုးတွေလို တူကြီးတစ်လက်
ပိုင်ဆိုင်ထားမှ လူရာဝင် လေးစားမှု ရှိလာလိမ့်မယ် ဆိုတဲ့
အတွေးအခေါ် အခင်းအကျင်းပါဘဲ။

ရခိုင်ပြည်နယ်ဟာ
တစ်ခြားပြည်နယ်တွေနဲ့နိုင်းရင်
လွတ်လပ်ရေး ရပြီးချိန်ကစလို့
မူဂျာဟစ်သောင်းကျန်းသူကလွဲယင်
ရခိုင်လက်နက်ကိုင်လှုပ်ရှား အခြေစိုက်မှုဟာ
ကွန်မြူနစ်ဝါဒကို ယုံကြည်သည့်လက်နက်ကိုင်တော်လှန်ရေး
 မြန်မာပြည်တဝှမ်း အားနည်းသွားပြီးနောက်ပိုင်း
မရှိသလောက်ပါ။

ဘေးမှာကပ်ရပ်ရှိတဲ့
ဘင်္ဂလားဒေ့ရှ် သာ အိန္ဒိယနဲ့အတူ လွတ်လပ်ရေးယူရာက
အရှေ့အနောက်ပေါင်းပြီးလွတ်လပ်ရေးယူကြတယ်၊
တစ်ခါ ဘင်္ဂလားင်္ဒေ့ရ်ှဆိုပြီးခွဲထွက်ကြနေတဲ့အချိန်မှာ
ရခိုင်အများစုဟာ ဝန်ထမ်းဘဝနဲ့
 ပြည်ထောင်စုထဲမှာ စီးဝင်နေကြတာ
 နှစ်ပေါင်း ၆၀ကျော်ခဲ့ကြပါတယ်။
ဒီအတွင်း မွေးဖွါးနှုန်းမြင့်မှု၊
တရားမဝင်ဝင်ရောက်လာမှုကို မျက်ကွယ်ပြုခဲ့မှု၊
ရခိုင်ပြည်နယ်အတွင်းပိတ်လှောင်ထားမှုတို့ကြောင့်
ရခိုင်တိုင်းရင်းသားတွေဟာ ဒီဝန်ထုတ်ကြီးနဲ့
ဖိသတ်ခံရမယ် ဆိုတဲ့ စိုးရိမ်မှုနဲ့ အခွင့်အရေးတန်းတူတောင်းဖို့၊
ဖယ်ဒရယ်တောင်းဖို့ လက်နက်ကိုင်တော်လှန်ဖို့ဆိုတာ
မတောင်းဆိုရဲသလောက်ဖြစ်ကာ၊

တပ်မတော်နဲ့ အစိုးရဝန်ထမ်းအဖြစ် အများဆုံးဝင်ရောက်ထမ်းရွက်ယင်း၊
ဥပဒေ ဘောင်အတွင်းနေထိုင်လိုသူကသာ အများစုဖြစ်ခဲ့ပါတယ်။

အင်္ဂလိပ်ခေတ်၊ ပါလီမန် ဒီမိုကရေစီခေတ်
ဆိုရှယ်လစ်ခေတ်တောက်လျောက် ကိုကြည့်လိုက်ရင်
ရခိုင်လူမျိုးအများစု နဲ့ ရခိုင်ပညာတတ်တွေဟာ၊
 မြန်မာ့တပ်မတော်၊ မြန်မာ့နိုင်ငံရေး နဲ့ ဝန်ထမ်းလောကမှာ
ပါဝင်ပူးပေါင်းမှုအရှိဆုံး တိုင်းသားလူမျိုးဖြစ်ကာ၊

ကျည်ဆံသံ သေနပ်ပစ်သံ အတိတ်ဆုံး ပြည်နယ် တစ်ခုပါ၊
ဒီလေးငါး ခြောက်နှစ်အတွင်း ရခိုင်လူငယ်တွေ ကြားထဲမှာ
ဘာဖြစ်လို့ လက်နက်ကိုင်တော်လှန်ရေးအတွေးတွေ
ဝင်လာရသလဲ အားကောင်းလာရသလဲ၊
နယ်စီးပွါးရေးဖြစ်ဖြစ်မြောက်လုပ်
အားကိုး၍ ယုံကြည်၍ ရပ်တည်၍ မရတဲ့
အိမ်နီးချင်းနိုင်ငံတစ်ခုဖြစ်နေ၍
အခြေချ ထူထောင်ရန် ခက်ခဲသည့်တိုင်အောင်
ကချင်ပြည်နယ်တွင်ထူထောင်၍ အင်အားစုစည်းမှုရှိလာကာ
ယခုအခါ ရခိုင်ပြည်နယ်တွင်း အခြေချရန်ကြိးစားလာယင်း
မည်သည့် အတွက်ကြောင့်
ယခုအခါ သေနပ်သံတွေ ဆူညံလာရသလဲ
 သေချာစွာသုံးသပ်ကြည့်ရင်

ရခိုင်ပြည်နယ်ဟာ၊ တဖက်က လူမျိုးရေးအရ ဝါးမျိုလာတဲ့ဒဏ်အောက်မှာ
ခိုကိုးရာမဲ့ အရှုံးပေးရခါနီးလာပြီလားဆိုသည့် စိုးရိမ်စိတ်၊

( ဒါကြောင့်လဲ မိမိတို့ identity ကို ကုလားနဲ့ ဗမာကြားပျောက်ပြယ်
မသွားအောင်ထိန်းသိမ်းလိုကြတဲ့အတွက်
လူမျိုးချင်းသွေးသားအရမရောနှောရအောင်
ထိမ်းသိမ်းမှုမှာ ပိုမို Aggressive ဖြစ်မှုရှိခဲ့ပါတယ်၊
ဒါဟာ အာဏာမဲ့ အကာအကွယ်မဲ့နေတဲ့
အစိုင်အလာ ယဉ်ကျေးမှုရှိခဲ့တဲ့ လူမျိုးတမျိုးအတွက်
နောက်ဆုံး အကာကွယ်ဖြစ်နေတယ်လို့
ယုံကြည်နေကြတဲ့အတွက်
ဆိုတာ နားလည်မှုပေးရပါလိမ့်မယ်။)

နိုင်ငံရေး အာဏာ
ပါဝါ အာဏာ ကို ဆုပ်ကိုင်ထားသူ  များ၏
လူမျိုးရေး ဘာသာရေး စီးပွါး နိုင်ငံရေး ပေါ်လစီ
 ဈေးကစား လိုမှုအောက်မှာ ပြားပြားဝပ်ခံနေရပြီဟု မြင်လာခြင်း၊

မြန်မာနိုင်ငံ၏ အရှေ့ နှင့်မြောက်ဖက်တွင်၊
ဝ လက်နက်ကိုင်၊ ကချင်လက်နက်ကိုင်တို့၏ 
လွတ်လပ်နယ်မြေတည်ဆောက်နိုင်မှု
 မိမိဖါသာ မိမိ ကိုယ်ပိုင်စီမံခွင့် တစိတ်တပိုင်း ရရှိလာခြင်းကို
model တစ်ခုအဖြစ်မြင်တွေ့နေရခြင်း၊

၂၀၁၂ ဘင်္ဂလီ အရးအခင်းဖြစ်လာမှု၊
ဆင်းရဲ မွဲတေ၊ အလုပ်အကိုင်ရှားပါး၊
သံယံဇါတ ထွက်ရှိမှုမှ အကျိုးခံစားခွင့်
မရှိမှုတို့ကိုတွေ့မြင်ကြားသိလာကြခြင်း

စသည်တို့က
လူငယ်အများစု၏ စိတ်တွင်
ခံစားနာကျင်မှုများကို များပြားစေလာသလို၊
ရခိုင်နိုင်ငံရေးအင်အားစုများ အစည်းပြေကာ
 ဖြိုခွဲ ရိုက်ချိုးခံနေရမှုများ တိုင်းရင်းသားအချင်းချင်း
ဆဲဆိုအမုန်းပွါးလာရခြင်းများက ပိုများလာကာ
လူငယ် ဒေသခံ တို့ကြားတွင်
လက်နက်ကိုင်လမ်းစဉ်သည်သာ
 နောက်ဆုံးအဖြေဆိုသော
လမ်းကြောင်း သို့တွန်းပို့ခံနေသလိုဖြစ်ယင်း
ရခိုင်လက်နက်ကိုင် အင်အားစုဟာ
ဤ နှစ်ပိုင်းအနည်းငယ်အတွင်း
ပေါ်ပေါက် အင်အားတိုးလာကာ
ရခိုင်တွင်စတင်အခြေချရန် ကြိုးစားယင်း
ရခိုင်ရိုးမ၏ သာယာလှသော
တောင်တန်းများပေါ်တွင် ယမ်းသံ ပေါက်ကွဲသံများ နှင့်
 သွေးရောင်လွှမ်းလာရခြင်းကို
စိတ်မကောင်းစွာ တွေ့မြင်နေရပါသည်။

နောက်ထပ် နိုင်ငံရေး အင်အားစုများအား
နိုင်ငံရေးအင်အားကြီးများက အားအင်ချိနဲ့အောင်လုပ်
လက်နက်ကိုင် တပ်မတော်မှလည်း
လက်နက်ကိုင် အင်အားစုများအား အမြစ်ပြတ်ချေမှုန်း ပစ်မည်ဟု
သဘောထားဖြင့် ဆက်လက်သွားနေမည်ဆိုပါက
ယမ်းငွေ့သံများ၊ တောင်ဖက်မှ ကြားလိုက်၊
အရှေ့ဖက်မှ ကြားလိုက်၊ မြောက်ဖက်မှ ကြားလိုက်၊
အနောက်ဖက်မှ ကြားလိုက်နှင့် ကြားနေရမည်ဆိုပါက

မိမိ စိတ်တွင် လည်း ဆဲဆိုသံ သေနတ်သံများကိုငြိမ်း ငွေ့လာသဖြင့်
အောက်ပါ အတွေးများ ဝင်လာရပါသည်။

ငါ့တို့ အဖိုးတွေ အဘွားတွေ၊
ဘာဖြစ်လို့ ဘရူနိုင်းလို နောက်ချန်ပြီး ၁၉၈၂ မှာ
လွတ်လပ်ရေးမယူခဲ့ကြတာပါလိမ့်
ငါတို့တွေ ဘာဖြစ်လို့ ဘာသမိုင်းအစဉ်အလာမှမရှိတဲ့ စကာင်္ပူလို
မလေးနဲ့အတူ လွတ်လပ်ရေးယူပြီးမှ
၇နှစ်အကြာမှာ  နိုင်ငံရေးနည်းဖြင့် ခွဲထွက်တောင်းဆိုခွင့်မရှိရတာလဲ၊
ဘာဖြစ်လို့ ပြည်ထောင်စုဆိုတဲ့ စကား၊
ညီနောင်တိုင်းရင်းသား ဆိုတဲ့စကား ထပ်တလဲလဲပြောပြီး၊
နှစ်ပေါင်းခြောက်ဆယ်ကျော် ဆဲဆိုနေ ငြင်းခုံနေကြရသလဲ၊
ဘာဖြစ်လို့ ပြည်ထောင်စုပြိုကွဲမယ်လို့ စိုးရိမ်ကြသလဲ၊
အမွေခွဲပြီး ကိုယ်စီးပွါးကိုယ်လုပ်ကြရင်း၊
မလေး၊ စကာင်္ပူ၊ ဘရူနိုင်းလို ကူးလူးဆက်ဆံ
ပြည်သူချင်း ချစ်ကြည်ရင်းနှီးစွာ အိမ်ခွဲ ဆင်းတဲ့
 မောင်နှမတွေလို နေ၍ မရဘူးလား၊

ဘာကို စိုးရိမ်ကြသနည်း၊
မိသားစု ညီအစ်ကိုမောင်နှမတွေတောင် အချိန်တန်ခွဲကြရတာဘဲ၊
မိဘချမ်းသာတိုင်းလဲ သားသမီးတွေ အမွေမခွဲဘဲ
မနေနိုင်ကြဘူးဆိုတာ နားလည်ကြရပါလိမ့်

Globalization ကို တကယ်ယုံကြည်တယ်ဆိုရင်
တကမ္ဘာလုံး တနိုင်ငံထဲဖြစ်အောင် Merge လုပ်ကြည့်လို့
ရမလားအယင်တွေးကြည့်ပါ
ကျနောက ပိုတောင်ကြိုက်ပါသေးတယ်၊

လူတွေအားလုံးဟာ သောတာပန်အဆင့်ဖြစ်အောင်
ဘုရားသော်မှ မတတ်နိင်၍
လောဘဒေါသ မောဟ တွေနဲ့ရှုပ်ထွေးနေအုံးမည့်
လူဦးရေ အဆမတန်များပြားလာသည့် ကမ္ဘာကြီးမှာ
စီမံမှုကလည်း ညံ့ဖျင်း မသေချာ အခြေအနေမှာ
ရှိနေ တုန်း ဘဲ ဆိုရင်တော့
ပြည်ထောင်စု ဆိုတာ ခဏ မေ့လိုက်၍
စီးပွါးခွဲကြခြင်းက ပိုနိုင်နိုင် နင်းနင်း ရှိမလား၊
ဒါမှာ တော်တဲ့ ပြည်နယ်စံ၊
 ညံ့တဲ့ပြည်နယ်ကျန်
ကိုယ့်အရည်အချင်း နဲ့ကိုယ်သွားကြခြင်းက
ဘဝ တန်ဖိုးပိုသိ၊
လောကဓံကို ရင်ဆိုင်၊
မိမိကိုယ်ကို ခိုင်မာအောင် ရပ်တည်ဖို့ကြိုးစားခွင့်ရ
လူဖြစ်လာကြနိုင်ပေလိမ့်မည်။

ပြည်ထောင်စုအတွင်းအတူတူနေကြမယ်ဟေ့လို့ ယုံကြည်ရင်
ဒီတိုင်းရင်းသားတွေမှာ ခွဲထွက်ပိုင်ခွင့်လည်းအပြည့်
ရှိတယ်ဆိုတာ လက်ခံယုံကြည်ပြီးမှ၊
ခွဲမထွက်အောင် ငါတို့အတူတူ
ဘယ်လိုတည်ဆောက်ကြမလဲ လို့
ရင်ဘက်နဲ့ ဆွေးနွေးကြရပါလိမ့်မယ်၊

ငါအကောင်းဆုံးလုပ်ပေးမှာ
ငါ့စကားနားထောင်ကြဆိုတာတာ
မူလတန်း အထက်တန်း စာသင်ခန်းက
 ကျောင်းသားတွေကိုဘဲ
ပြော၍ ရပါလိမ့်မယ်၊

ဒီလိုပဲ သေနတ်ပြ ခြိမ်းခြောက်ထား၍လည်း
ရေရှည်သွား၍ မရသည့် သင်ခန်းစာ ရှိခဲ့ပြီးကြပါပြီ၊

လက်တွေ့ဘဝ နဲ့သာ ရင်ဘတ်ချင်းလေးစား
 ရှေးစခန်းသွားကြရပေလိမ့်မည်။

No comments:

Post a Comment